இன்னபிற!

நிறைய எண்ணங்கள் அதில முழுசா ஒன்னும் சொல்ல முடியாம ரெண்டே ரெண்டு வரி மனசில ஓடும். அதை வச்சி கதை பண்ண தெரியாம ஐடியா கூடைக்குள்ள போயி அங்கயும் இருந்து ஓவர்ஃபளோ ஆகி.. இன்னபிற ( எக்சட்ரா :))

மத்தவங்கள நாம எதாவது ஒரு குறை சொல்ல போக மீதமிருக்கும் 4 விரல் நம்மை காட்டுதே ஏன்?? அப்ப மனசுக்குள்ள ஒரு வாய்ஸ் " இப்ப என்ன சொல்லறே! இப்ப என்ன சொல்லறே" அப்படி கூவும்(கூவணும் )???!!!

அப்போ நீங்க எல்லாம் என்ன செய்வீங்க... வீராப்பா நான் பெரிய லார்ட் டேஷ் தாஸ்ன்னு பேசிட்டு இருக்கும் போது சின்னதா அடே நானும் இப்படி ஒரு முறை செய்தேனே இல்லைன்னா இப்படி பேசினேனென்னு நினைவுக்கு வருமே "அப்ப என்ன செய்வீங்க ! அப்ப என்ன செய்வீங்க!"

சில நேரம் "நோ" என்று சொல்ல தெரியாம மென்னு முழுங்கி யார் என்ன சொன்னாலும் "பூம்" "பூம்" ந்னு தலையாட்டி வச்சிட்டு பின்னாடி நம்மள ஒரு காரியம் செய்ய சொன்னவங்கள ஒரு முழு நீள வசைபாட்டு பாடுவோமே ...அப்புறம் அவங்க நீங்க நேரமெடுத்து செய்த வேலைக்கு"நன்றி" ஒரே வார்த்தை தான் . அது மட்டும் சொன்னா போதாது இல்லையா :)
அது கூட சொல்லாம போறவங்களுக்கு என்ன பாட்டு பாட...

சிலர் இருக்காங்க.. அடுத்தவங்க வாழ்க்கையில் நடக்கிற எல்லா விஷயமும் தெரிஞ்சுக்குவாங்க ... ஒண்ணு ஒண்ணா தூண்டில் போடுறது அப்புறம் 199_ இல்லை 200_ல நாம சொன்ன விஷயம்/காரியம் எல்லாம் நினைவுக்கு வச்சி அதுக்கு ஸ்டேடஸ் அப்டேட் :) இப்படி ஒருத்தங்கள பிரெண்டா வச்சிக்க வேணும் தானான்னு தோணும். இதுல பரஸ்பர பகிர்தல் இருந்தாலாவது பரவாயில்லை. இவங்க எல்லாம் தங்கள ரொம்ப திறமைசாலின்னு வேற நினைச்சுக்குவாங்க...
இவங்கள என்ன பண்ண ??

இதெல்லாம் சகஜமப்பா அப்படின்னு சொல்லறீங்களா??
இப்படி எந்த வித டிராமாவும் இல்லாம ஒரு பாசிட்டிவ் பிரெண்ஷிப் ஏன் இருக்க கூடாது. எனக்கும் பலர் இப்போ இருக்காங்க.. எப்பவுமே சொல்லுவேன் அலைவரிசை சரி வரலைன்னு... இப்போல்லாம் என்னோட அணு சுழற்சி பாதையில் அதிகமாக எலெக்ட்ரான்கள் :))

ரொம்ப பொலம்பிட்டேனா??!!!!

எங்க பக்கத்து வீட்டு குட்டீஸ் ரொம்ப புத்திசாலி. இன்டெர்னெட்ல எதோ புதிர் எல்லாம் போட்டு அதில ஹானர்ஸ் ரோலில் அவன் பேர் வந்திருந்தது. நான் "கங்கிரஜிலேஷன் ஆர்யான்" என்று சொன்ன போது "ஆன்டி என் பேர் எப்போ எக் ரோலில் வரும் " என்று கேட்டான்.. ஒரே சிரிப்பு போங்க !

பூ மலர்ந்தது !

மறுபடியும் ஒரு யூடியூப் மூலம் கற்ற ஒரு கைவினை.
இதுக்கு கார்ட்போட்டினால் நானே செய்த பிளவர் லூம். சின்ன அளவில செய்து இருக்கேன்.
ஒரு 4 க்கு 4 என்ற அளவில்(எந்த சதுர அளவும் எடுக்கலாம்) கார்ட்போர்ட் எடுத்து கோடுகள் வரைந்து கொள்ள வேண்டும். பின்னர் வீடியோவில் காட்டியபடி முன்னும் பின்னும் நூலை சுற்றியபின் குறுக்கு கோடுகள் வரும் இடமெல்லாம் வேறு கலர் நூலினால் தைப்பதுபோல செய்ய வேண்டும்.

வீடியோ இன்ஸ்பிரேஷன்: பட்டர்ஃபளை லூம் . ( Check for Butterfly loom :Welcome Video in you tube)

படங்கள் பிசாசாவில் கிராஃப்ட்_வொர்க் என்ற ஆல்பத்தில் இருக்கு.

Knifty Knitty !

When you are excited about something you sure are . Last saturday I bought a crochet kit from walmart and tried to do it . I always envied those who have some form of crafty hands. Few hours in to the learning process using the DVD that came along the kit I was really frustrated. Exactly where you need to understand if the needle has to go under or the thread has to be looped , the DVD showed no detail. Then I thought may be there will be some videos on You Tube . I did see some but one video after another I somehow jumped to a video on loom knitting. I watched many videos on loom knitting till I fell asleep. I was dreaming of knitting hats,scarves,blankets and what not. Next day I went back to walmart and bought a knifty knitter kit and came home to my previously bought yarn. I had lunch and thought i will start.

Playing the video for every step I finished my hat in less than 2 hours. By monday evening i had finished a hat with a different pattern. Tuesday I had courage to make for my neighbors son , who was excited to show it as a face mask.A week went by all i thought was about knitting. There is a reason for this. The kit i got was like a knitting for the dumbest of the dummies. Although there is limitation as to how much you can do.I am all exited about my new found hobby.

The funny thing is I feel I am in a invisible circle of sisterhood,despite the video i watched was by a man. I visited few yarn stores in the area and looked for ideas and price check. I struck conversations with strangers and shared coupons for yarns etc in the past week.

While I am still in the learning process I finished my first scarf and my husband gracisouly accepted it. So in one week I went from not knowing anything on knitting to making 3 hats and a scarf. Still knitting my way through.

ஒரு நியூயார்க் நிமிடம்

டியர் டாக்டர் ஜான்சன்!

உங்கள் பரிந்துரைப்படி நான் நியூயார்க் நகரத்தில் உள்ள வெஸ்ட் நியூயார்க் கிளினிக் மருத்துவ குழுவுடன் சேர்ந்து வேலை ஆரம்பித்து விட்டேன். ஸ்லீப்பி ஹாலோ - வயோமிங் மாநிலத்தில் உள்ள மருத்துவ கிளினிக் போலல்லாமல் இங்கு ஒரு நொடி என் முந்தய வாழ்வில் ஒரு நாளாக இருந்திருக்கிறது. இங்குள்ள அதிசயம் என்னவென்றால் வேகம் எதிலும் வேகம். போராட்டம் எப்பொழுதும் உயிர்ப்பாயிருக்க ஒரு போராட்டம்.இந்த போராட்டத்தில் பலமுள்ளவர்கள் ஜெயிப்பதும் பலகீனர்கள் நகரத்தின் எண்ணற்ற இருண்ட சந்துகளிலும் தொடர் சப்த சாகரத்தில் மூழ்கிப்போவதும் அன்றாட நிகழ்வுகள்.

என்னுடன் வேலை செய்யும் டாக்டர் ஜேக்கபின் மனைவி பல வருடங்கள் கழித்து குழந்தை உண்டாகி இருக்கிறார். மனைவிக்கு சப்போர்ட் செய்வதாக டாக்டர் ஜேக்கபும் ஒரு டம்மி எடையை கட்டிக்கொண்டு இருக்கிறார். இந்த டாக்டரின் செய்கைகள் எனக்கு சிரிப்பை தான் வரவைக்கிறது. என்ன தான் முன்னேறி இருந்தாலும் என்னை போல வயோமிங் மாநில ஆண்கள் கர்ப்பமாக இருக்கும் மனைவிக்கு உதவி செய்வார்களே ஒழிய இப்படி அவர்களும் அவஸ்தை படுவதில்லை. வேலை முடிந்ததும் மாலையில் சாவகாசமாக ஒரு விஸ்கியும் ஏலும் கண்ணாடி கோப்பையில் ஏந்திக்கொண்டு "ஹனி இஸ் தேர் எனிதிங் ஐ கேன் டூ ஃபார் யூ" என்று கேட்பதோடு சரி.

இவரை பற்றி சொல்ல காரணம் இருக்கிறது. அப்பாவான சந்தோஷத்தில் இருந்த இவருக்கு வழக்கமான செய்யப்படும் வருடாந்திர மருத்துவ பரிசோதனையில் குடல்பை கான்சர் இருப்பதாக கண்டுபிடித்தார்கள். முதன் முறையாக தந்தையான இவருக்கு எதிர்காலத்தை பற்றிய பயமே அதிகமாக இருந்தது.

நியூயார்க் நகரத்திலேயே தலைசிறந்த ஆன்காலஜி சர்ஜனிடம் காட்ட அவர் சென்றபோது நானும் துணைக்கு சென்றிருந்தேன். அந்த புற்றுநோய் மருத்துவர் இவரின் பரிசோதனை முடிவுகள்படி அறுவை சிகிச்சை செய்தாலும் வெற்றியின் சதவீதம் 50% க்கும் குறைவு என்று சொல்லி டாக்டர் ஜேக்கபின் மருத்துவ குறிப்பை திருப்பி தந்துவிட்டார்.

நான் நாளை டாக்டர் ஹென்றி மேஹேம் அவரிடம் இதைபற்றி பேச போகிறேன்.

நீங்கள் எனக்கு கொடுத்த மருத்துவ பயிற்சிபடி , மருத்துவரானவர் வெற்றி தோல்வி சதவீதத்தினை கணக்கெடுக்காமல் நோயாளிக்கு 100% மருத்துவம் செய்யவேண்டும் என்று.

மீண்டும் அடுத்த வாரம் உங்களுக்கு எழுதுகிறேன்...அங்குள்ளவர்களுக்கு எனது அன்பினை தெரிவிக்கவும்.

அன்புடன்
டாக்டர். கிளின்ட் கார்டர்

பி.கு: இது முதுவேனில் காலம் அங்கே எனக்கும் உங்களுக்கும் சரியான நேரம் கிடைக்கும் போது நாம் மீன்பிடிக்க செல்ல வேண்டும்.

இலுப்பை பூவும் இன்ஸ்டன்ட் காப்பியும் !

இப்ப‌ நாம் பார்க்கும் எல்லாருக்குமே எல்லாம் உட‌னே ந‌ட‌க்க‌ணும். குழ‌ந்தை முத‌ல் முதிய‌வ‌ர் வரை இதே கதை தான்... குழ‌ந்தை பிறந்த‌துமே ப‌டிச்சிட‌ணும்.. உட‌னே ஸ்கூலுக்கு போயி அங்க‌ ஃப்ர்ஸ்ட் ரேங் எடுத்து.. காலேஜிக்கு போயி.. கேம்ப‌ஸிலே வேலை கிடைச்சி....சொல்ல‌ற‌ /விரும்ப‌ற‌ பொண்ணை/பைய‌னை க‌ல்யாண‌ம் ப‌ண்ணி... குழ‌ந்தை பெற்று.. இந்த‌ வாழ்க்கை சுழ‌ற்சி ம‌றுப‌டியும் அதே பாதையில் தான் தொட‌ருது...

இங்க‌ யாருக்கும் நின்னு நித‌ன‌மா எதையும் அனுப‌விக்க‌ முடிய‌லை.. அனுப‌விக்க‌வும் மாட்டேன்னு அட‌ம் பிடிக்கிறாங்க‌....ஏன்??!!! எல்லாமே உட‌னுக்குட‌ன் ந‌ட‌க்க‌ தொழில்நுட்ப‌ம்( டெக்னால‌ஜி) உத‌வுது. இப்ப‌டி உட‌னுக்குடன் கிடைப்ப‌தாலோ இல்லை அந்த‌ எதிர்பார்ப்பு இருப்ப‌தாலோ என்னவோ ம‌க்க‌ளுக்கு ம‌னோதிட‌ம் குறைந்து வ‌ருதோன்னு தோணுது.

என‌க்கு ஒரு விஷ‌ய‌ம் ம‌ட்டும் புரிய‌லை. எல்லாமே உட‌னே ந‌ட‌க்க‌ணும்ன்னா நீங்க‌ ம‌த்த‌வ‌ங்க‌ளுக்கு/உல‌க‌த்துக்கு என்ன‌ செய்தீங்க அதாவது... என்டைடில்மென்ட் என்று ஒரு வார்த்தை இருக்கு ( கேள்வி ஆங்கில‌த்தில்: What did I do to deserve this good? )

எதுவுமே எளிதா கிடைத்தால் அது ந‌ம‌க்கு ச‌ரியான‌து தானா என்றும் யாரும் யோசிப்ப‌தில்லை. க‌டின‌ உழைப்பும் காத்திருத்த‌லும் இல்லாம‌ல் கிடைக்கும் பொருளின் அருமையை யாரும் உண‌ர்வ‌தில்லை.

15 வ‌ருஷ‌ம் சாப்பிட்ட‌ நெய் தோசையின் தாக்க‌த்தை சில‌ ம‌ணி நேர‌ அறுவை சிகிச்சை மூல‌ம் அக‌ற்றுகிறார்கள். ஆரோக்கிய‌மா வாழ்வ‌து ஒரே நாளில் வ‌ருவ‌தில்லை இல்லையா??!! சின்ன‌ சின்ன‌ ப‌ழ‌க்க‌ங்க‌ள் பெரிய‌ ப‌ல‌னை அளிக்கும் என்ப‌தை ந‌ம்புவ‌தில்லை யாரும். என்னையே எடுத்துக்கொள்ளுங்க‌... சில‌ வ‌ருஷ‌ங்க‌ளுக்கு முன் ம‌ருத்துவ‌ரிட‌ம் சென்ற‌போது "ஆரோக்கிய‌மா இருக்க‌ ம‌ருந்து கொடுங்க‌" என்று கேட்டேன்... டாக்டர் தாத்தா "ச‌ம‌ச்சீரான‌ உண‌வு முறையும் மித‌மான‌ உட‌ற்ப‌யிற்சியும்" என்று பிரிஸ்கிரிப்ஷ‌ன் பேடில் எழுதினார் .

என்னைப் பொறுத்தவரை அணுவளவேனும் முயற்சி செய்யணும். முயற்சிக்கு ஏற்ற கூலியை எதிர்பார்க்கும் மனநிலையை கொண்டு வந்தால் எல்லாம் அழகாக இருக்கும். என்ன தான் தொழில் நுட்ப முன்னேற்றம் நாம் நினைத்ததை அந்த எண்ணம் முடியும் முன் கிடைக்க செய்யுதாலும் , ஒரே ஒரு பழைய விசயம் மாறாது.

"தெய்வத்தால் ஆகாதெனினும் முயற்சி தன் மெய் வருத்த கூலி தரும்"

உழவர் சந்தையில் ஒரு நாள்!

நம்ம ஊர்ல சந்தை நடக்கும் சனிக்கிழமை.அது ஒரு திருவிழா மாதிரி. இங்கயும் அதே போல கோடையில் மட்டும் சனி தோறும் நடக்கிற உழவர் சந்தைக்கு போவோம். எல்லா வாரமும் போக முடிவதில்லை என்றாலும் இன்னும் 2 அல்லது 3 வாரங்களில் குளிர் ஆரம்பித்துவிடும் அதனால் உங்களுக்காக சுட சுட படங்களுடன் ...

http://picasaweb.google.com/ilaveera/Farmers_Market#

பி.கு 1 : எதுனா டவுட்டு இருந்தா கேளுங்க.
பி.கு 2 : இதில இருக்க படம் மயில் அடிக்கடி முட்டை/குட்டி போடுதுன்னு கண்ணு படாம இருக்க :)

டென்னிஸ்

இந்த வார்த்தைக்கு தமிழாக்கமே இல்லையா?? பூ பந்தா அப்படின்னா பொண்ணுங்க மட்டும் தான் விளையாட முடியும்.. சரி சரி...
லோகத்திலே கிரிக்கெட்டு தெரியாதவங்க /புரியாதவங்க இருப்பாங்களான்னா.. இருக்கேனே ... அப்பல்லாம் ஸ்கூல்படிக்கும் போது புரியுதோ இல்லையோ பக்கத்து வீட்டு கருப்பு வெள்ளை டீவியில டென்னிஸ் பார்ப்போம் . எப்படி ஸ்கோர் ஆகுது எது அவுட்டு எல்லாம் அத்துப்படி... அதில எத்தனை மேஜர் சாம்பியன்ஷிப் இருக்கு இதெல்லாம் மனப்பாடமா தெரியும்.. பிரெஞ்சு மொழி தெரியுதோ இல்லையோ.. ரெண்டு பிளேயரும் ஒரே ஸ்கோர் (40 40 ) எடுத்தா அவான்டேஜ் ( அட்வான்டேஜ் இல்லை) அப்படின்னு கூவிட்டு இருப்போம்... இவான் லென்டில்.. போரிஸ் பெக்கர் (ஹி ஹி ஹி)... ஆன்ரே அகாசி... ஸ்டெஃபி கிராஃப் இப்படியான ஆக்களோட அறிமுகம் என்னோட டென்னிஸ் விளையாட்டு உலகம்..

முதன் முதலில் டென்னிஸ் கோர்ட் காலேஜில படிக்கபோன போது தான் பார்த்தேன்.. அதுக்கு ராக்கெட் ( டென்னிஸ் மட்டை) வாங்கவே என்னோட ஒரு செமஸ்டர் முழுக்கா கட்டற பணம் செலவழிக்கணும் போலன்னு.. விளயாடறதெல்லாம் இல்லை.. சும்மா போற போக்கில பாக்கறதோட சரி...அதுவும் புள்ளங்க யாரும் விளையாடததால பாக்க சான்சே இல்லை.. டீவியோட சரி...

கல்யாணம் ஆகி வந்து பார்த்தா இவர் எதோ அவார்ட் எல்லாம் வாங்கி இருப்பரு போல...நாமளும் அடிக்கலாம்ன்னு கோர்டுக்கு போனா அங்க எல்லா லேடீஸும் சூப்பரா விளையாடிட்டு இருக்காங்க.. நாம இந்த கோர்டில அடிச்சா ஆறவதுகோர்ர்டில தான் ரிட்டன் கொடுக்க முடியும் போல.. அப்படி இப்படி கொஞ்சம் கத்துக்கலாம்ன்னு பாத்தா நம்மள பந்து பொறுக்க கூட விடல..பின்னே பந்து வீசறேன்னு யாரையாவ‌து அடிச்சி வச்சா என்ன பண்ணன்னு பயம் தான் இவருக்கு :)

இப்படியே கேவலமா விளையாண்டு ஒரு வழியா என் சைடுக்கு பந்து வந்தா அடிக்காம விடுறதில்லை அந்த ரேஞ்சுக்கு விளையாடிட்டு இருந்தேன்... இதில என்னை விடகேவலமா விளையாடிட்டு இருக்கவங்கள பாத்து ஒரு நக்கல் வேற... இதுக்கு தான் ஒரு பழமொழி இருக்கே..ஆங் அதே தான்...

சரி கொஞ்சம் கொஞ்சமா கேம் இம்ப்ரூப் பண்ணிடலாம்ன்னு பார்த்தா எதுவுமே சரிப்பட்டு வரலை.. இதுக்கிடையில அமெரிக்கன் டென்னிஸ் கிளப்பில மெம்பர் ஆகறதென்ன...அதுக்கு சன்மானமா கொடுத்த ஓவர் சைஸ் டீசர்ட்டில காணாம போயி .. அவங்க அனுப்பற மேகசினை எல்லாம் வரி விடாம படிக்கறது என்னன்னு.. ஒரே சீனா போயிட்டு இருந்தது..

ஒரு கோடை விடுமுறையில் ஒழுங்கவே கத்துக்கலாம்ன்னு நினைச்சி நம்ம டென்னிஸ் அஸோசியேஷன் ல கேட்டா உங்க வீட்டுக்கு பக்கத்திலே இருக்கே அங்க விலையும் குறைவு தான் அப்படின்னு சொன்னாங்க.

மொத்தம் 8 வகுப்பு அதுக்கு 80 டாலர் தான்.. ஒரு மணி நேர வகுப்பில 4பேருக்கு சொல்லி கொடுத்தாங்க.. கோச் ஒரு குரோசியா நாட்டை சேர்ந்தவர்..வழக்கமா இந்தியர்களை பத்தி கேப்பதுபோல இவரும் கேப்பாருன்னு நினைச்சா இவர் எதோ ஓபிராய் குடும்பத்தில என்னிடம் கோச்சிங் எடுத்தாங்கன்னு சொன்னார்.. நமக்கு தெரிஞ்சதெல்லாம் ஓபிராய் என்றால் ஹோட்டல் தான் நினைவுக்கு வரும்... அவர் பேசுவதே புரியல அப்படி எப்படியோ கடமுடான்னு பேசுவார்.. என் நேரம் பாருங்க என் டீமில அவ்ர் நாட்டை சேர்ந்த கல்லூரி பெண்ணும் இருந்தாள்... அந்த பொண்ணுக்கு அவங்க மொழியில சொல்லி கொடுத்ததை நான் புரிஞ்சிட்டு விளையாடணுமாம்.. முதல்ல மட்டையை எப்படி பிடிப்பதுன்னு சொன்னார்...எனக்கு சரியா பிடிக்க வரல.. அதுக்கு வேற திட்டு.. மொதல்லயே நம்ம வரலாறு வேற சொல்லிட்டோமா.. அவரும் இவ்வளவு படிச்சிருக்கே இது சரியா வரலையான்னு திட்டு... நமக்கு வெய்யில் ஆகாது.. கருப்பு கண்ணாடி போட பிடிக்காது. இப்படியா ரொம்ப திட்டுவாங்கி... 8 வார கிளாஸ்ல 2 வாரம் லீவு வேற..கடைசில சொல்லிட்டார் திருவாயை திறந்து.. மோஸ்ட் இம்ரூவ்ட் :))

இங்க வீட்டையாவுக்கு பெரும தாங்கல... பின்னே எல்லா ஸ்ட்ரோக்கும் சரியா அடிப்பேன்...இப்பவும் ஆனா விளையாட ஆள் கிடைக்கலன்னா மட்டும் என்னைய ஆட்டத்துக்கு சேத்திக்குவாங்க...ஜஸ்ட் லைக் உப்புக்கு...

இது வரை 4 யூ எஸ் ஓப்பன் ஆட்டங்கள் பார்த்து இருக்கேன்.
ராஜர் பெடரர் ‍- லேட்டன் ஹியூவிட்ட்
மரியா ஷரபோவா - சான்யா மிர்சா
செரீனா வில்லியம்ஸ் - ஆமிலி மௌரிஸ்மோ
ஒரு மென்ஸ் மேச் படத்தில இருக்கு ஆனா ஆள் பேர் நினைவில்லை...
ஒரு வயசானவங்க மேச்.. அந்த படங்கள் இருக்கு யானா நாவாட்னா - மார்டின நவரட்லோவா

http://picasaweb.google.com/ilaveera/Tennis_Pic#

எல்லா படங்களும் இல்லை.. உங்கள் பார்வைக்கு..பிகாசாவில்..