சிட்டப்பூஊஊ!

சிட்டப்பூஊஊ!

Situps !!!

இது என்னவா .. இருங்க அதுக்கு முன்னாடி கொஞ்சம் ....
இவ்வளவு நாள் எக்சர்சைஸ் செய்யறேன்னு சீன் காமிச்சிட்டு இருக்கேன்.. எனக்கு தெரிஞ்சதை உங்களுக்கு சொல்லி கொடுக்க ஆசை. முயற்சி செய்யறேன் அப்புறம் ரிசல்ட் என்னன்னு நீங்க‌ தான் சொல்ல‌ணும் ..

அந்த காலத்தில இருந்து இந்த காலம் வரை இளைஞர் முதல் மனசில இளைஞராக இருப்பவர் வரை.. கனவு கன்னி முதல் கனவே வராம உருள பெரள முடியாதவங்களும் ஏக்கப்படற விசயம் "சிக்ஸ் பேக்ஸ்" என‌ ( யாரும் என்னை தப்பா நினைச்சா அதுக்கு நான் பொறுப்பில்லை) என ஆண்களும் "சிற்றிடை" என பெண்களும் விரும்பும் உடலமைப்பு ஆங்கிலத்தில் ( உடற்பயிற்சியாளர்கள் சொல்வதும்) "கோர்" ( Core Strengthening Exercises) .

அங்க‌ங்க‌ டிஸ்கி போட்டே அடைப்புகுறியெல்லாம் தீர்ந்து போகுது :))

இந்த‌ உட‌லின் ந‌டுப்ப‌குதிக்கு செய்ய‌க்கூடிய‌ உட‌ல்ப‌யிற்சிக‌ளை ப‌ற்றி சொல்ல‌றேன். உங்க‌ளுக்கு தெரியுமா . ந‌ம‌து உட‌லில் இருக்கும் த‌சை ப‌குதிக‌ளுக்கு ஒரு ஞாப‌க‌ ச‌க்தி உண்டு. அதிலே ரொம்ப‌ எளிதா சொல்ல‌ற‌தை/செய்த‌தை ம‌ற‌க்கக்கூடிய‌து ந‌ம‌து வயிறு ம‌ற்றும் ந‌டுப்ப‌குதியில் உள்ள‌ பாக‌ங்க‌ளில் இருக்கும் த‌சைப்ப‌குதி தான். என்ன‌வோ போங்க‌ நாக்கு ருசிய ம‌ற‌க்குதோ இல்லையோ வ‌யிறு சொல்ல‌ற‌ எல்லாத்தையும் 24 ம‌ணி நேர‌த்துக்குள்ள‌ ம‌ற‌ந்திடும்.

இந்த‌ த‌சைப்ப‌குதிக்காக‌ செய்ய‌ப்ப‌டும் உட‌ல்ப‌யிற்சிக‌ள் செய்த‌பின் குறைந்த‌ ப‌ட்ச‌ம் 48 ம‌ணி நேர‌ ஓய்வு கொடுக்க‌ணும் . ஓய்வின் போது த‌சையில் உள்ள‌ செல்க‌ள் உட‌ல்ப‌யிற்சி செய்வ‌தால் ஏற்ப‌டும் தேய்மான‌ம்/கிழித‌ல் இதை எல்லாம் தானே ச‌ரி செய்துகொள்ளும்.

சில‌ர் என‌க்கு நேர‌மே இல்லை இதுக்கெல்லாம் என்று சொல்வார்க‌ள். அதுக்கு நான் ஒன்னுமே செய்ய‌ முடியாது. நேர‌ம் ஒதுக்க‌ முடியும் ஆனா ஜிம்மு போக‌ முடியாது இல்லை என்னால‌ விலை உய‌ர்ந்த‌ உட‌ற்ப‌யிற்சி சாத‌ன‌ங்க‌ள் வாங்க‌ முடியாது இப்ப‌டி சொல்ல‌ற‌வ‌ங்க‌ளுக்கு எதாவ‌து செய்ய‌ முடியும்.

எந்த‌ ஒரு உட‌ற்ப‌யிற்சியும் ஆர‌ம்பிக்கும் போது எடுத்த‌ எடுப்பிலே எக்ஸ்ப்ரெஸ் மாதிரி செய்தா சொல்லி வ‌ச்ச‌ மாதிரி 2 நாள் தான் செய்ய‌ முடியும்.

இந்த சிட்டப் (situp) என்பது விலா நடுப்பகுதியில் இருக்கும் தசைகளை வலுவாக்கும் இப்படி செய்வதன் மூலம் அழகிய உருவம் கிடைக்கும். நீங்க கூகிளில் சிட்டப் என்று தேடினால் பல ஆயிரம் பதில்கள் கிடைக்கும்.

தேவையானவை : நீங்க மட்டும் தான்

செய்முறை : தரையில் முகம் மேற்கூரையை பார்த்த வண்ணம் படுக்கவும். Lie Down on floor facing roof

கால்முட்டியை மடக்கி பாதம் தரையில் அழுத்தமான பதிந்த வண்ணம் (குத்துகாலிட்டு படுத்தவண்ணம் ‍‍-- புரிஞ்சுதா??) இருக்கட்டும். Fold your legs and make sure feet are firmly planted on floor.

கைகள் கழுத்து ஆரம்பிக்கும் இடத்தில் வைத்து விரல்கள் மட்டும் கோர்த்தபடி இருக்கட்டும். கைகளும் விரலும் மென்மையாக கழுத்தை தொடவேண்டும் அழுத்தம் தெரிந்தால் கழுத்தை அளவுக்கு அதிகமாக வளைப்பதாக கொள்ளவேண்டும் . அதிக்மாக வளைப்பதால் சரியான முறையில் இப்பயிற்சியை செய்ய முடியாது. Fold your hands and keep them at the back of your neck with fingers touching each other.

க‌ழுத்தை வ‌ளைக்காமல் இடுப்பு முத‌ல் த‌லை உச்சிவ‌ரை ஒரு நேர் கோடாக‌ இருக்கும் ப‌டி த‌ரையில் இருந்து எழ வேண்டும்.

நீங்க‌ள் ப‌டுத்திருப்ப‌து 0 டிகிரி கோண‌ அள‌வு என்றால் ஒரு 25 முத‌ல் 35 டிகிரி கோண அள‌வு வ‌ரை எழுந்தால் போதும். Raise from floor making a 25 degree angle to the floor.

இப்ப‌டி செய்யும் போது உந்துவிசையை அதிக‌மாக‌ ப‌ய‌ன் ப‌டுத்தாம‌ல் இருப்ப‌து ந‌ல்ல‌து. Do not use inertia while doing this exercise which makes a rocking motion.

எங்கெல்லாம் வ‌லிக்க‌ வேண்டும் : விலா எலும்புக்கு கீழே இருக்கும் ட‌யாப்ர‌ம் ப‌குதி , வ‌யிறு ( அடி வ‌யிறு /மேல் வ‌யிறு ) வ‌லிக்க‌விட்டாலும் ஜெல்லி போல‌ ந‌டுங்கும் அப்போது ச‌ரியாக‌ செய்வ‌தாக‌ கொள்ள‌லாம்.

ஆர‌ம்ப‌த்தில் ச‌ரியாக‌ செய்ய‌ வ‌ராது. அத‌னால் சோபாவின் கால் ப‌குதியில் உங்க‌ள் பாத‌ம் முட்டும் ப‌டி முட்டு கொடுத்துக்கொண்டால் எளிதாக‌ இருக்கும். இல்லை என்றால் உங்க‌ள் வீட்டில் இருப்ப‌வ‌ரை உங்க‌ள் பாத‌ங்க‌ளை அழுத்தி மிதித்து கொண்டால் ( ரொம்ப மிதிச்சா அதுக்கு நான் பொறுப்பல்ல ) செய்ய‌ எளிதாக‌ இருக்கும் .

அங்க‌ங்க‌ எல்லார் வீட்டு சாப்பாடும் சாப்பிட்டாலும் உங்க‌ வீட்டில‌ இப்ப‌டி எளிதான‌ செல‌வில்லாத‌ உட‌ல்ப‌யிற்சி செய்தால் உங்க‌ளுக்கும் கிடைக்கும் "சிக்ஸ் பேக்ஸ்"

பின் குறிப்பு : முதுகு த‌ண்டுவ‌ட‌ பிர‌ச்ச‌னை உள்ள‌வ‌ர்க‌ள் ம‌ருத்துவ‌ர் அனும‌தி இல்லாம‌ல் இப்ப‌டியான் உட‌ற்ப‌யிற்சிக‌ளை த‌விர்க்க‌வும்.
ரொம்ப‌ ஆர்வ‌க்கோள‌றுக‌ளுக்கு : ஒரு நாளில் 200 சிட்ட‌ப் செய்வ‌து எப்ப‌டி என்று ஒரு த‌ள‌ம் பார்த்தேன். செய்தா சொல்லுங்க‌.

ஓட்ட‌ளியுங்க‌: இந்த‌ உட‌ற்ப‌யிற்சி ப‌குதி பிடிச்சிருக்கா ??